GJENIU/ Kush ishte IM Pei, arkitekti i Luvrit që u shua në moshën 102-vjeçare

IM Pei, arkitekti i dizajnit modern, projektet e të cilit u bënë identiteti i shekullit të kaluar, ka vdekur sot në moshën 102 vjeçare.

Një zëdhënës i firmës së tij të arkitekturës e konfirmoi vdekjen e tij.

Pei, portofoli i të cilit përfshiu renovimin e Muzeut të Luvrit në Paris dhe Rock and Roll Hall of Fame në Cleveland, vdiq mbrëmë pranë djalit të tij Chien Chung Pei.

IM Pei ishte i biri i një bankieri të shquar në Kinë. Ai u largua nga atdheu në vitin 1935, duke u zhvendosur në SHBA dhe duke studiuar arkitekturën në Institutin e Teknologjisë të Masaçusetsit dhe pastaj në Harvard. Pas mësimit dhe punës për qeverinë amerikane, ai shkoi për të punuar për një zhvillues të New York-ut në vitin 1948 dhe filloi punën e tij në vitin 1955.

Muzetë, ndërtesat komunale, hotelet, shkollat ​​dhe strukturat e tjera që Pei ndërtoi anembanë  botës, kishin gjeometri precize dhe cilësi abstrakte që vënin në pah dritën. Ato përbëheshin prej guri, çeliku dhe xhami dhe, si me Luvrin, Pei shpesh punonte piramidat prej xhami në projektet e tij.

Luvri, një pjesë e së cilës daton që në shekullin e 12-të, u dëshmua si puna më e arritur e Pei, duke filluar me faktin se ai nuk ishte francez. Pasi u zgjodh për punën nga presidenti i atëhershëm, François Mitterrand, në mes të shumë fshehtësive, Pei filloi duke bërë një studim katërmujor të muzeut dhe historisë franceze.

Ai krijoi një piramidë futuristike prej rreth 70 metërshe të gjatë, me formë çeliku, si dhe një hyrje të madhe për muzeun me tre piramida më të vogla aty pranë. Ishte një kontrast i mrekullueshëm me strukturat ekzistuese të Luvrit në stilin klasik francez.

Një gazetë franceze atëkohë i përshkroi piramidat e Pei si “një aneks në Disneyland”, ndërsa një grup mjedisor tha se puna ishte “e shkretë”.

Por falë Pei, Luvri është padyshim një nga objektet më të spikatura në Evropë.

Projektet e tjera të rëndësishme të tij përfshijnë Bibliotekën John F Kennedy në Massachusetts, Qendrën Kombëtare për Hulumtime Atmosferike në Kolorado, krahun lindor të Galerisë Kombëtare të Artit në Uashington dhe Sallën e Qytetit në Dallas. /tesheshi.com/

auto pjese dak

Related posts