reklama juaj ketu

Rasti “Haradinaj”: si po vetëdiskretitohet politika kosovare dhe koalicioni LDK-PDK

Nga Blendi Gashi

Rasti i arrestimit të Haradinajt po vë në test politikën kosovare në përgjithësi, por dhe kolaicionin LDK-PDK në veçanti. Dhe me sa është parë këto ditë, gjendja paraqitet e mjerë në dy planet. Në të përgjithshmen, rasti i Haradinajt i tregoi politikës kosovare se ka qenë tërësisht në gjumë, e papërgatitur për sfida të tilla; ndërsa në të veçantën mjafton fakti që një ditë më parë, pas 9 orë debatesh në parlament, një rezulotë mbi Haradinajn nuk mundi të kalojë, pas ofrimit të dy versioneve, njëra nga opozita e tjetra nga pozita. Kjo e fundit pra, testoi dhe veten; ku siç u pa nuk i ka votat qoftë dhe për  një rezulotë që vetë e propozon.

 

“Koalicioni qeverisës PDK-LDK do të bjerë”

Njohës të rrethanave politike në vend thonë se seanca e djeshme për Ramushin ku nuk u miratua asnjë rezolutë tregon se koalicioni PDK-LDK ka mosmarrëveshje të mëdha mes vete dhe se duhet të bjerë.

Deputeti i pavarur, Gëzim Kelmendi thotë se është për keqardhje se si deputetë nuk arritën të i harmonizojnë qëndrimet rreth hartimit të një rezolute të përbashkët.

Ky koalicion, po qëndron në këmbë ngase interesat personale i kanë para intereseva shtetërore. Ky koalicion është dashur kaherë të bie, ngase nuk ka arritur t’i realizoj projektet e mëdha si liberalizimin e vizave”, thotë Kelmendi, për tesheshi. com.

Arben Qirezi, analist politik, thotë se arsyeja pse koalicioni aktual po qëndron në këmbë është ratifikimi i Demarkacionit me Malin e Zi dhe themelimin e “Zajednicës”.

Pikërisht, kjo është edhe arsyeja përse ky koalicion ka mbështetjen ndërkombëtare. Përderisa i shërben atij qëllimi, kanë shpresë se e përfundojnë mandatin e rregullt. Nuk do të arrijnë të bëjnë asnjërën, por mbeten me premtimin se me numra mund ta bëjnë këtë”, thotë Qirezi, për tesheshi. com.

Analisti tjetër, Islam Krasniqi, thotë se seanca për Ramushin tregoi se PDK e LDK qëndrojnë prej zorit njëra me tjetrën.

Nëse qeveria dështon në ratifikimin e marrëveshjeve që i sjell në Kuvend, ajo duhet të bije. Thën më qartë është dashur të bije kur ka shkelur Kushtetutën, me marrëveshjen e Asociacionit.
PDK e LDK do të provojnë edhe një herë që t’i kalojnë dy marrëveshje dhe pasi të ndodh përfundimisht do t’i jepet fund martesës së zorit
”, thotë Krasniqi, për tesheshi. com.

Njohësi i rrethanave politike në vend, Astrit Gashi, thotë se një qeveri që ka shumicën dhe nuk mund ta votojë një rezolutë që e propozon vet duhet të largohet.

Qitjani dryrin shlirë: qeveria (PDK+LDK) nuk arritën me i siguru më shumë se 36 vota për rezolutën që e propozuan vet! Çka jeni kah lypni aty more? Rezoluta e opozitës në krye me AAK-në  edhe ashtu nuk mund t’i kishte votat e mjaftushme”, ka reaguar Gashi, përmes një postimi në Facebook.

Ndryshe, për 83 deputet sa ishin prezentë në momentin e votimit të rezolutave për Haradinajn, i kushtuan arkës së shtetit 9,960 euro, pasi një deputet merr 120 euro mëditje për një seancë. /tesheshi.com/