“Plehrat” e Suedisë: ja ç’ndodh në vendin ku importi i tyre sa vjen e rritet

Me atë që ndodh në Suedi, shoqëria civile e atjeshme duhej të kishte rrëmbyer armët e t’i kish shkrehur ato. Vendi është zhytur në një import të paparë plehrash, ndërsa politika e Stokholmit e ka qepur gojën.    

E pra, në kulmin e debatit mbi plehrat në Shqipëri, ku politika është zhytur “kokë e këmbë në kazanin” e akuzave, nga Suedia vjen lajmi se në këtë vend ka ndodhur një revolucion i vërtetë, sigurisht pa qenë nevoja që politika të fus hundët…       

Dekadat e fundit, ky vend skandinav po kalon nëpër një revolucion të riciklimit, ku më shumë se 99% e mbeturinave shtëpiake reciklohet në njërën apo formën tjetër, kurse vetëm 1% hidhet në formë të papërdorshme.

Shumica e suedezëve ndajnë të gjitha mbetjet e riciklueshme në shtëpitë e tyre, dhe i depozitojnë ato në kontejnerë të veçantë në bllokun e banesave të tyre, apo i hedhin ato në një stacion riciklimi.

Weine Wiqvist, CEO i Shoqatës Suedeze për menaxhim dhe riciklim të mbeturinave (Avfall Sverige), mendon se suedezët mund të bëjnë edhe më shumë, duke pasur parasysh se rreth gjysma e të gjitha mbeturinave shtëpiake digjet, që do të thotë se kthehet në energji. Ai shpjegon se materialet ose produktet e ri-përdorura nënkuptojnë përdorimin e më pak energjie për të krijuar një produkt të ri sesa krijimi i produktit nga fillimi.

Sipas vlerësimeve nga një zyrtar suedez, afër tri tonelata plehra përmbajnë sasi të njëjtë të energjisë sa një tonelatë karburant.

Djegia e plehërave bën nxehjen e ujit duke e shndrruar atë në avull, i cili pastaj vë në lëvizje turbinat dhe në këtë mënyrë prodhon energjinë e nevojshme për rrymë apo ngrohje, ndërkohë që tymi i cili çlirohet është 99% jo-toksik.

Kjo do të thotë se vetëm 1% e plehrave përfundon në vend-groposje për to.

Kërkesat për plehra janë aq të të mëdha, sa që vendi importon 700,000 tonë nga vendet tjera.

Ndërkohë, familjet suedeze vazhdojnë të ndajnë gazetat, plastikën, metalet, qelqin, pajisjet elektrike, llambat dhe bateritë. Shumë komuna po inkurajojnë konsumatorët për të ndarë mbeturinat e ushqimit. Dhe gjitha këto pastaj ripërdoren, riciklohen ose kompostohen.

Gazetat janë shndërruar në masë letre, shishet janë ripërdorur apo shkrirë në objekte të reja, enët plastike në materiale plastike të papërpunuara; ushqimi kompostohet dhe shëndrrohet në dhé ose biogaz, nëpërmjet një procesi kompleks kimik. Kamionët për plehra shpesh funksionojnë në energji elektrike të ricikluar ose biogaz. Uji i hedhur pastrohet deri në masën e të qënit i pijshëm. Kamionë të veçantë të plehrave shkojnë nëpër qytete dhe marrin pajisje elektronike dhe mbeturina të rrezikshme të tilla si kimikatet. Suedezët marrin mbeturina më të mëdha, si TV të përdorur ose mobilje të përdorura nga qendrat e riciklimit në periferi të qyteteve.

“’Zero mbetje’, është slogani ynë. Ne do të preferonim më pak mbetje të gjeneruara, dhe të gjitha mbeturinat që prodhohen të riciklohen në një farë mënyre ose tjetrën. Perfeksioni është thuajse i pamundur, por sigurisht se është një ide interesante”, përfundon CEO Wiqvist. /tesheshi.com/