Auto Dak
Auto Dak
Auto Dak

PËRVJETORI/ “Dëshmor” për të vrarët e 21 janarit, Rama: satirikja e gjykimit të vrasësve

Kryeministri Rama i është kthyer me “gjithë forcën” sot “21 Janarit”, në 10-vjetorin e ngjarjes së rëndë të vrasjes nga shtetit të katër protestuesve, ndodhur kjo në bulevardin “Dëshmorët e Kombit”, në pjesën anësore të godinës qeveritare.

Edhe për shkak të një viti zgjedhor, ku ajo tragjedi ka peshën e vet politike, Rama shpalli të vrarët “Dëshmorë të Kombit, ku, para familjarëve të tyre mbajti dhe një fjalim të gjatë gati 2-orësh.

“Nëse e shohim në aspektin e parë, sot kemi të gjitha arsyet për t’u përulur me mirënjohje përpara kujtimit të këtyre 4 dëshmorëve, humbja e jetës të së cilëve vuri vijë të kuqe për të gjithë duke e bërë të pakapërcyeshme forcën e shtetit në raport me lirinë dhe të drejtën për të protestuar”, theksoi Rama.

Sipas tij, nderimi për ta patjetër që do të pasohet dhe nga drejtësia për ta.

“Më vjen shumë mirë që sot hedhim një hap të rëndësishmë duke  i vendosur të 4 e rënët e 21 janarit aty ku ata e kanë vendin, në altarin e atdheut si dëshmitarë të një histori ku humbën jetën, jo rastësisht, por sepse besuan te të drejtat dhe liritë e tyre dhe protestuan për këtë gjë. U ndihem krenar për përpjekjen drejt rezultatin final, drejt krijimit të një drejtësie që bën drejtësi dhe ndarja e saj nga malli që shitet dhe blihet”, theksoi i pari i qeverisë.

Sipas Ramës, ata që penguan dhënien e drejtësisë për 21 janarin, janë sot krah atij që kërkon referendum anti-qeveritar më 25 prill, duke aluduar kështu për presidentin Meta.

“Sot ne i dorëzojmë familjeve simbolin e ‘Dëshmorit të Atdheut’ dhe jam i bindur që në 4 shtëpitë të jetë një pikë referimi për vështrimin e fëmijëve për besimin që drejtësia do bëjë të sajën. Ata të cilët i vranë për herë të dytë dhe i vranë në bashkëpunim me palë të treta të veshur në togën e gjykatësve, do përgjigjen.

Të gjithë prokurorët që sot janë angazhuar fort për ta bërë 25 prillin një referendum kundër kësaj qeverie me drejtimin e kreut të referendumit”, tha Rama.

Duke folur mbi dosjen e gjykimit të asaj çfarë ndodhi në boulevard atë ditë, Rama tha se ajo ngjan me diçka satirike.

“Nëse do të lexojmë dosjen e gjykimit për dy persona të akuzuar për 21 janarin, po të mos e dish që kjo është një ngjarje që ka ndodhur mund të mendosh se këto janë faqet e një libri satirik.

Dy personat e evidentuar si personat që kanë qëlluar dhe vrarë konsiderohen nga gjykata si dy individë që  nuk kanë bashkëpunuar më njëri tjetrin dhe nuk e njihnin asnjërin prej viktimave dhe nuk kanë pasur bashkëpunime me persona të tretë. Faktikisht e thotë gjykata e Apelit dhe jo me fjalë por me shkrim, që këta persona nuk kanë dashur të vrasin por nga vetëbesimi i tepruar kanë krijuar viktima. Njësoj si kur nuk njohin viktimat kur vënën një bombë në një stacion, njësoj si terroristët që nuk bashkëpunojnë me palë të treta, por kanë një vetëbesim të tepruar për të vendosur një rend të ri botëror dhe vrasin njerëz dhe janë të pafajshëm.

Ky është absurdi i jetës reale i sistemit të drejtësisë  që na duhet të përballemi dhe për këtë duhet të çojmë përpara reformimin e plotë të sistemit të drejtësisë”, tha Rama. /tesheshi.com/

 

auto pjese dak

Related posts