Auto Dak
Auto Dak
Auto Dak

Nga Redi SHEHU: Make Amerika Think Again!

Fushata për zgjedhjet e Presidentit të Shteteve të Bashkuara të Amerikës, me përballjen e dy kandidatëve për president, Trump dhe Biden, padyshim që ka hyrë si moment i jashtëzakonshëm në historinë e politikës dhe zgjedhjeve amerikane. Kjo, për faktin e thjeshtë se për herë të parë në këtë histori amerikane zgjedhjesh për president, ata zhvillohen në mesin e një pandemie globale. Edhe pse në vitin 1918 në kulmin e pandemisë së gripit spanjoll, ne Shtetet e Bashkuara u zhvilluan zgjedhje jo për presidentin e vendit por për kongresin që asokohe u fitua në maxhorancë nga republikanët. Kësaj radhe, diku më shumë se njëqind vite më vonë, jemi përsëri në mesin e një pandemie globale, por zgjedhjet janë akoma më të rëndësishme sepse përcaktojnë jo vetëm liderin e Shteteve të Bashkuara të Amerikës, por edhe njeriun më me influencë politike, ekonomike dhe ushtarake të globit. Ajo që e bën akoma më historike këtë moment, është se po për herë të parë një nga kandidatët për president bie pre’ e pandemisë duke u sëmurë në javët vendimtare të zgjedhjeve.

Shumë janë habitur me infektimin me covid 19 të presidentit Trump, pikërisht në një moment delikat për të dhe përtë gjihë proçedurën e zgjedhjeve amerikane. Kjo ngarje, sigurisht që e ndërlikon situatën dhe proçesin në rastin e çfarëdolloj të papriture.  Kandidatët në dy javë para zgjedhjeve nuk kanë asnjë mundësi proçeduariale të tërhiqen apo të zëvendësohen, duke e bërë fatin politik të secilit prej tyre të paracaktuar tashmë. Ndërlikimi u mendua se do të ishte më i madh në kohën kur Trump u detyrua të shtrohej në spitalin më të specilaizuar “Walter Reed” për komplikacione me coronavirus, por kur pas pak ditësh u pa të zbriste vetë nga shkallët e këtij spitali për t’u rikthyer në Shtëpinë e Bardhë, shumë menduan se më e keqja për të dhe stafin e tij kaloi.

Parë në aspektin elektoral, një lëvizje e tillë e cila sigurisht që mund të konsiderohet e fortë dhe goditëse, pati efektet e veta goxha të mëdha. Ajo mund të konsiderohej edhe si një thikë me dy presa, ku nga njëra anë vendosi përballë presidentit Trump, vetë zotin Trump, i cili gjatë gjithë kohës kishte mbajtur një qëndrim mohues ndaj pandemisë dhe kishte sfiduar hapur virusin si dhe të gjitha proçedurat që lidheshin me të. Ai pati kritikuar haptazi mbajtjen e maskës në publik dhe në tubime të ndryshme. Madje, ai kishte shkuar më tej duke ironizuar demokratët dhe kandidatin e majtë Biden për frikë. Në debatin e parë televiziv që ata bënë para se Tump të infektohej, ky i fundit ironizoi me maskën e Biden duke shprehur edhe një farë superioriteti në raport me të.

E gjithë kjo ngjarje e jashtëzakonshme ndodh në një palë zgjedhje që nuk janë si të tjerat, më shumë se zgjedhje për presidentit e radhës të Sh.B.A-ve, këto të 3 nëntorit, janë një referendum popullor mbi mënyrën se si amerikanët kanë vendosur të kuptojnë realitetin dhe botën. Një referendum i cili do t’i tregojë të gjithëve se sa janë ata të prirur të kundërshtojnë kultin e individit, rracizmin dhe islamofobinë.

Debati i fundit presidencial tregoi për fatin e keq të të gjithëve, se sa poshtë ka rënë niveli i lidershipit sot në Amerikë. Dy burra që për më tepër edhe të moshuar, për të mos thënë që kandidati Biden është kandidati më i moshuar në gjithë historinë e zgjedhjeve presidenciale amerikane, përplasen duke lënë etikën dhe kuptimin e ndërsjelltë diku jashtë sallës. Mosha e tyre tregon edhe për mungesën e alternativave të reja, e një fytyre të re e cila duhej të ishtë jashtë status-quo-ve të përhershme familjare të Bushëve, Klintonëve, Trumpëve etj.  Qarkullimi i të njëjtit miell për të gatuar të njëtin brumë, nuk është se jep shumë shpresa për ndryshime domethënëse për ta nxjerrë jo vetëm debatin por edhe artikulimin elektoral amerikan nga një karneval maskash drejt një përplasjeje konstruktive dhe alternativave të dobishme për të ardhmen.

Bota ka hyrë tashmë në një fazë të re të balancës së fuqive. Superfuqi të tjera po zgjerojnë influencën e tyre tregëtare, politike dhe ushtarake. Kina dhe Rusia tashmë janë të vendosura drejt një hegjemonie më të madhe në botë, Turqia, një superfuqi në lindje e sipër, po përcakton gjithnjë e më tepër veten jo vetëm ekonomikisht, por edhe ushtarakisht me një kriter të ri të gjykimit dhe veprimit të gjërave, bazuar kryesisht mbi të drejtën ndërkombëtare.  Përballë tyre qëndron një BE gjithnjë me dobët dhe gjithnjë dhe më e përçare dhe dy kandidatë për president të SH.B.A-ve të cilët në gjithë këtë dinamike botërore të influencave, shfaqen gjithnjë e më të plakur dhe gjithnjë e më grindavecë.

Javët e ardhme janë vendimtare për të përcaktuar rrugën që do të ndjekë vetë SH.B.A por edhe gjeopolitika botërore. Coronavirusi si një superfuqi pandemike me shtrirje globale nuk la pa goditur edhe vetë njërin nga kandidatët duke ndikuar drejt në thelbin e këtyre zgjedhjeve. Ajo goditi aty ku u mohua. Një ironi e fatit për të treguar se shpesh aksionet dhe artikulimet politike janë shumë larg realitetit. Këto janë zgjedhje të jashtëzakonshme për nga momenti dhe dilemma që ata shtrojnë para zgjedhësve amerikanë. E sigurt është se pas katër vitesh të presidencës Trump, këto zgjedhje do “Make Amerika Think Again”. /tesheshi.com/

 

auto pjese dak

Related posts