MESAZHI/ Kriza, Xhafaj rihyn në lojë: ja amerikani i Reformës në Drejtësi dhe kush e pason atë

Ish-ministri i Rendit Fatmir Xhafaj, për më tepër njeriu që u investua fuqishëm nga PS për Reformën në Drejtësi, e që mu për këtë arsye është aluduar se u sulmua ashpër nga opozita, ka zbuluar njeriun e amerikanëve qëndron pas kësaj reforme.

E ka bërë këtë pikërisht në momentin më kritik në raport me reformën, ku vetë presidenti Meta “ka hequr maskën” dhe është pozicionuar fort kundër saj, herë duke sulmuar Ramën e herë ndërkombëtarët.

Po kush është ky amerikan?

Xhafaj ka bërë publike një vlerësim për të në ikje nga Shqipëria, e njëherësh kur mbushen tre vjet nga votimi unanim i Reformës në Drejtësi, që i përket 22 korrikut 2016.

“Në një ceremoni emocionuese në rezidencën e Ambasadës Amerikane, kishim nderin dhe privilegjin të përshëndetemi me kolegun dhe mikun tonë Jon Smibert, në mbyllje të mandatit të tij si Këshilltar Ligjor rezident i OPDAT në Tiranë.

Vlerësimet më të mira për kontributin e tij të jashtëzakonshëm në hartimin dhe jetësimin e Reformës në Drejtësi. I paçmuar kontributi i tij profesional në hartimin e projektit kushtetues dhe ligjeve për Prokurorinë, SPAK dhe Vetingun, për t’i formësuar ato në standardet më të mira. Faleminderit Jon për bashkëpunimin e shkëlqyer që bashkë kemi patur. Të sigurojmë që ngelesh një mik special dhe një bashkëpunëtor i vyer i ekspertëve. Mirënjohje për gjithë çfarë bëre në këto vite për Reformën në Drejtësi dhe për bashkëpunimin midis dy vendeve tona mike. Shqiptarët të kanë dhënë një vend nderi në rrethin e miqve të tyre. Suksese në përgjegjësitë e reja në vendin tënd!”, shkruan Xhafaj, një mesazh që ngjan si një reagim ndaj qëndrimeve nga Presidenca.

Por ish-njeriu kryesor i PS-së për hartimin e Reformës në Drejtësi nuk ndalet me kaq. Ai, duke prezantuar dyshen e re që do merret me reformën, e finalizon mesazhin e tij duke thënë se atë “s’ka forcë që e ndal”.

“Gjithashtu ju uruam mirëseardhjen përfaqësuesve të rinj të OPDAT z.Constantine Soupios dhe znj.Michelle Lakomy, dy prokurorë me shumë përvojë profesionale, por edhe kontribute në rajon. Me besimin se përvoja dhe kontributi i tyre do të jetë një tjetër vlerë e shtuar në zbatimin e Reformës në Drejtësi, ju urojmë Suksese!  Faleminderit Departamentit Amerikan të Shtetit dhe Departamentit të Drejtësisë së SHBA për angazhimin dhe kontributin konkret në asistencën dhe monitorimin e Reformës në Drejtësi.

Mbështetja e drejtpërdrejtë dhe e vazhdueshme e SHBA dhe BE përmes OPDAT dhe Euralius kanë qenë dhe mbeten vendimtare për fatin e Reformës në Drejtësi, garanci thelbësore për të. DJE për standardet më të mira  në hartimin e Reformës në Drejtësi, sot në jetësimin e saj me ngritjen e institucioneve të reja dhe nesër për përgjegjshmërinë dhe eficencën e tyre në dhënien e drejtësisë të barabartë për cilindo dhe kryesorja për dhënien fund fenomenit të pandëshkueshmërisë ndaj korrupsionit në nivelet e larta.

Reforma është në rrugën e duhur. S’ka forcë që ta ndalë!”, përfundon Xhafaj.

Për momentin, ky i fundit nuk ka asnjë post apo peshë politike në zhvillimet e fundit, por me këtë mesazh, Xhafaj rihyn në lojë në emër të mbrojtjes së reformës, duke u bërë dhe avokati i ndërkombëtarëve. /tesheshi.com/   

 

 

auto pjese dak

Related posts