Letra e papublikuar: Hitleri u bë nazist pasi u refuzua nga Partia Socialiste gjermane

Profesori i historisë, Weber që gjeti dokumentin, thotë se historia mund të kishte marrë rrugë tjetër nëse nuk do të kishte ndodhur ky refuzim…

Adolf Hitleri u bashkua me nazistët vetëm pas u refuzua nga një tjetër parti politike. Këtë fakt e ka bërë publik historiani Thomas Weber, me mjaft ndikim në fushën e vet. Ai është profesor historie në universitetin e Aberdeen-it në Skoci dhe ka zbuluar një dokument të papublikuar më parë, që tregon se në vitin 1919, partia e sapoformuar Socialiste gjermane mbylli dyert për Hitlerin, duke i thënë se nuk e donte si anëtar apo si kontribues në gazetën e saj.

Weber thotë se historia do të kishte marrë një rrugë të ndryshme nëse kërkesa e Hitlerit për t’u anëtarësuar tek Partia Socialiste do të ishte pranuar. Edhe pse po ashtu e ekstremit të djathtë, Partia Socialiste gjermane ishte në atë kohë më e madhe dhe më e suksesshme sesa Partia Naziste. Hitleri mund të kishte marrë aty një rol të vogël dhe ndaj për këtë arsye “të mos kishte pasur shans të vinte ndonjëherë në pushtet”, shton Weber.

“Deri një vit më herët, ai nuk kishte treguar asnjë cilësi lideri dhe kishte qenë i lumtur të ndiqte urdhërat, më shumë sesa të jepte urdhëra”.

Hitleri, pas refuzimit, u anëtarësua në Partinë Naziste duke u bërë lideri i saj në vitin 1921. Partia Socialiste gjermane u shkri një vit më pas. “Kjo është një histori që nuk është treguar kurrë më parë”, thotë Weber. “Ajo shpjegon më në fund sjelljen e tij obsesive, përgjatë pak viteve që pasuan, në lidhje me Partinë Socialiste gjermane”.

Të gjithë drejtuesit e lartë të partisë së hershme Naziste favorizuan shkrirjen me Partinë Socialiste gjermane si parti më e vogël në fillim të viteve 1920.

Weber thotë: “Të mos kishte qenë për refuzimin e vendosur të Hitlerit për të mos e bërë një gjë të tillë – në një pikë ai madje dha dorëheqjen nga partia për këtë arsye – partia Naziste do të ishte përthithur nga partia Socialiste gjermane, kështu do të ishte zhdukur dhe historia do të kishte marrë një drejtim tjetër ….Pa refuzimin e partisë për Hitlerin, sjellja e tij në atë kohë – që askush më parë nuk mund ta shpjegonte – më në fund merr kuptim”.

Dokumenti vjen nga dëshmia e Hans Georg Grassinger, kryetarit themelues të Partisë Socialiste gjermane. Weber e gjeti atë në arkivën e Institutit të Historisë Bashkëkohore në Mynih. “Thjesht ishte nënvlerësuar. Problemi është se ata kanë shumë materiale”.

Dokumenti regjistron: “Në vjeshtën e vitit 1919, rreth shtatorit, Hitleri u duk në zyrën e shtëpisë botuese për të takuar Grassinger dhe u ofrua të shkruante për gazetën, dhe të bashkohej e të punonte për Partinë Socialiste gjermane. Ai nuk kishte para në atë kohë dhe gjithashtu kërkoi borxh nga Grassinger. Por ata i thanë se nuk kishin për çfarë e donin në gazetë dhe gjithashtu se nuk e dëshironin as në parti”.

Kërkimi i Weber do të dalë në librin e tij të ardhshëm për shndërrimin e Hitlerit në atë që njeh bota.

Ai thotë: “Ka pasur një prirje për ta parë sjelljen e Hitlerit, në periudhën midis bashkimit të tij me Partinë Naziste dhe mesit të viteve 1920, si veprime erratike të një zonje të parë, që vepron tërësisht pa logjikë dhe që –përveçse të qënit një orator i mirë – nuk kishte shumë talent si operator politik… Në librin tim, unë tregoj se kjo e tregon historinë tërësisht gabim. Hitleri ishte, në fakt, një operator politik plot aftësi dhe këmbëngulës i cili …asnjëherë nuk do të harronte këdo që ndonjëherë nuk e kishte mbështetur apo e kishte refuzuar – dhe këtë hakmarrje e mbajti të pashuar gjithë jetën”.

Ai shton se në të tre rastet kur u propozua shkrirja e dy partive , “Hitleri mbajti një hije të rëndë”. “Historia e Hitlerit që u refuzuar nga një parti dhe më pas veprimet e tij në partinë që e pranoi – partinë Naziste – janë për këtë arsye tepër të lidhura”. Krahu Nuremberg i partisë, me “çmenduritë e tyre prej kocke të fortë”, u bashkuan në fund me partinë Naziste.

Në libër përfshihet Lufta e parë e Hitlerit, që do të përshtatet edhe në një mini-serial televiziv. Në të tregohen letrat e papublikuara dhe një ditar i shkruar nga veteranët e regjimentit të Hitlerit që sfidojnë pikëpamjet e kahershme se Hitleri ishte me gjasa një luftëtar guximtar.

Përgatiti: Juli Prifti – /tesheshi.com/

Related posts