728 x 90 Leaderboard

Konfirmohet aktakuza e prokurorit të ikur nga Kosova: 12 persona u hoqën si veteranë UÇK-je

Edhe pse kryeprokurori i Prokurorisë Speciale, Reshat Millaku mohoi se ka ngritje të aktakuzës në rastin e veteranëve, tashmë është e konfirmuar se tashmë ish-prokurori që iku nga Kosova në SHBA ka bërë një gjë të tillë.

Sipas aktakuzës, saktësisht 38 milionë e 882 mijë e 400 euro për një vit i kushtojnë buxhetit të shtetit 19.060 ”veteranët e rrejshëm”.

Në aktakuzën të cilën e ka siguruar Koha Ditore, e që është e nënshkruar nga tashmë ish-prokurori Blakaj, janë akuzuar 12 persona. Aktakuza që ka 64 faqe është ngritur më 11 korrik 2018. Ka numër protokolli PPS.nr.12-2018.

Të akuzuar janë: Agim Çeku, Nuredin Lushtaku, Sadik Halitjaha, Shkumbin Demaliaj, Qelë Gashi, Shukri Buja, Ahmet Daku, Rrustem Berisha, Faik Fazliu, Smajl Elezaj, Fadil Shurdhaj, Xhavit Jashari.

Të gjithë këta, si anëtarë të Komisionit qeveritar për njohjen dhe verifikimin e statusit të dëshmorit të kombit, invalidit, veteranit, pjesëtarit dhe të internuarit të Luftës së Ushtrisë Çlirimtare të Kosovës, “në cilësinë e personave zyrtarë, me dashje kanë tejkaluar kompetencat e tyre, si dhe nuk i kanë përmbushur detyrat zyrtare, me qëllim që t’ua mundësojnë personave të tjerë të përfitojnë kundërligjshëm në vazhdimësi në dëm të buxhetit të Republikës së Kosovës”, thuhet në aktakuzën e nënshkruar nga prokurori i rastit. /tesheshi.com/

Related posts