728 x 90 Leaderboard

KMSH, mesazh Ramës: ç’bëre me bixhozin, bëje dhe me krimin e drogën

Komuniteti Musliman Shqiptar ka reaguar në mënyrë komplimentuese ndaj vendimit të qeverisë “Rama” për të mbyllur lojrat e fatit, kazinotë dhe bastet sportive.

KMSH e konsideron këtë si një vendim që do ndikojë në shërimin moral të shoqërisë dhe fton që e njëjta gjë të ndodhë dhe ndaj krimit e drogës.

Ky është një vendim i mirëpritur dhe i gëzueshëm për të gjithë qytetarët shqiptarë dhe një masë e rëndësishme në mbrojtjen e të rinjve nga rënia në kthetrat e këtyre veseve që sjellin dëme të pariparueshme në familje dhe në shoqëri.

Duke parë rëndësinë e kësaj nisme, KMSH shpreson që instancat përkatëse do të veprojnë maturisht si për parandalimin e lojërave të fatit ashtu edhe të çdo fenomeni që është në dëm të qytetarëve.

Ne inkurajojmë dhe jemi përkrah çdo nisme, e cila i shërben shoqërisë shqiptare dhe që sjell zhvillim dhe mirëqenie në vendin tonë.

Gjithashtu, përkrahim dhe inkurajojmë qeverinë dhe instancat shtetërore në luftën pa kompromis kundër trafikut të drogës dhe krimit të organizuar, të cilat janë të ndërlidhura dhe cënojnë sigurinë dhe paqen sociale në vend”, thuhet në deklaratën e KMSH-së.

Më parë, vendimin e qeverisë e përshëndetën dhe komunitete të tjera fetare në vend. /tesheshi.com/  

Related posts