reklama juaj ketu
reklama juaj ketu

“Gjakprishurit e futbollit”: emra që vuajtën nga identitetet e dyfishta në përzgjedhjet e tyre nacionale

Me gjak i kanë përkitur një kombi tjetër, por që famën e kanë marrë nga ngjyrat e një tjetër kombi, njëherësh duke i dhuruar atij, pra kombit tjetër, diç prej famës së tij individuale. Por ka ndodhur që të kenë dhe identitete më shumë së të dyfishta, gjë që i ka vënë në siklet në zgjedhjet e tyre përfundimtare.

Me gjuhë tjetër, këta mund të quhen dhe “gjakprishurit” e futbollit duke iu referuar kështu zgjedhjes së Januzajt për të luajtur për ngjyrat e Belgjikës, vendit ku është rritur, duke refuzuar ofertën për të luajtur me kuqezinjtë, vendit të cilit i përket si prejardhje.

Përgjithësisht, ata janë pjesë e fenomenit emigracion, ku të parët apo prindërit e tyre u zhvendosën nga një vend në një tjetër, teksa ata o ishin të vegjël o nuk kishin lindur ende.

Dhe ne po përzgjedhim 5 prej këtyre “gjakprishurve”:

 

1.Zinedine Zidane

Prindërit e legjendës franceze, Smile dhe Malika, emigruan në Paris gjatë vitit 1953 nga Algjeria Veriore, para se te fillojë lufta në këtë vend. Familja e tij u vendos në fillim në kryeqytetin francez, për të ndërruar më pas lokacion më pas drej Marsejës, aty nga mesi i viteteve të 60-të, në kërkim të punës. Babai i tij ka punuar si magazinier dhe rojë nate, kurse nëna e tij ishte amvisë. Ata jetuan në Marsejë në periferi të La Castellanes , vend që në atë kohë ishte i njohur për shkallën e lartë të krimit dhe të papunësisë.

Zidane

Në vitin 1972, lindi Zizu-ja, si më i vogli nga 5 vëllezërit dhe motrat. Ishte vendi Castanello, ku ai u njoh me futbollin dhe ishte vetëm pesë vjeç.

Zizu-së iu dha e drejta për të luajtur për Francën sepse kishte lindur në Francë, por gjithashtu ai mund të zgjidhte edhe kombëtaren algjeriane sepse prindërit e tij ishin nga Algjeria. Ishte përfolur se trajneri algjerian, Abdelhamid Kermali, nuk e kishte ftuar Zizu-në të ishte pjesë e kombëtares për shkak se e konsideronte si një futbollist pa shpejtësinë e duhur. Ndërsa që ai që më pas bëri histori në futboll kombëtaren franceze duke u shpallur kampion i botës në vitin 1998 dhe duke fituar edhe kupën e Evropës në vitin 2000, me vendin e tij të adoptuar.

 

2. Zlatan Ibrahimovic 

Prindërit e Zllatanit ishin: Sefik Ibrahimoviç, boshnjak musliman që emigroi në Suedi në vitin 1977 dhe nëna e tij, Jurka Graviç, një katolike kroate që gjithashtu kishte emigruar në Suedi. Ata u takuan po në këtë shtet dhe në këtë vend lindi dhe Zllatani, përkatësisht në vitin 1981. Por prindërit e tij u divorcuan qysh kur ai ishte 2 vjeç dhe kaloi një fëmijëri të vështirë duke u rritur në një vend të quajtur Rosengard, që ishte i populluar nga emigrantë. Ai ishte një hajdut i biçikletave dhe një fëmijë problematik në shkollë, para se t’i zbulojë aftësitë për futboll.

Zlatan Ibrahimovic

Në moshën 15-vjeçare, Zllatani ishte gati që ta lërë futbollin për të punuar në port, por trajneri i Malmoa-s e bindi atë që të vazhdojë karierën e tij si futbollist. Fatmirësisht, ai i ndoqi këshillat e tij dhe tani e dimë se si është ndërtuar karriera e Zllatanit. Ai kishte mundësi që të luante edhe për Bosnjen edhe për Kroacinë. Kroacia tentoi ta merrte Zllatanin, mirëpo ai vendosi që të luajë për Suedinë duke u bërë edhe golashënuesi më i mirë në historinë e përfaqsuese së këtij vendi.

 

3.Robert Pires

Ish-futbollisti i Arsenalit, Robert Pires, u lind në Reims të Francës, nga një baba portugez dhe një nëne spanjolle. Pires, i cili ishte vëllai më i madh në familje, mbështeste klubin e Benfikës së bashku me babain e tij, dhe Real Madridin së bashku me nënën e tij. Ai kishte problem që ta mësonte gjuhën frenge gjatë kohës që ishte në shkollë, sepse prindërit e tij komunikonin spanjollisht dhe portugalisht. Edhe pse kishte vështërsi në të kuptuarit e kësaj gjuhë pra, ai filloi të luajë futboll me kategoritë e reja në Reims, para se të debutonte si një lojtar profesionist me Metz, në vitin 1993.

Robert Pires

Pires, kishte mundësi që të zgjidhte Francën, për shkak që kishte lindur aty, por gjithashtu ai mundej të përfaqësojë edhe Spanjën për shkak të nënës së tij, dhe Portugalinë për shkak babait të tij. Ndërsa ai vendosi që ta zgjedhte Francën për shkak që ai u rrit aty dhe tashmë kishte kulturë franceze.

Vendimi i tij që të luajë për Francën i solli fitime të mëdha në karrierë, duke fituar Kupën e Botës në vitin 1998 dhe kampionatin europian më 2000.

 

4.Ivan Rakitiç

Mesfushori blaugran dhe kroat, Ivan Rakitiç, është produkt i të rinjve i skuadrës zvicerane FC Basel, për arsye se ai u lind dhe u rrit në Zvicër. Ai u lind në Mohlin të Zvicrës, nga një familje kroate e cila kishte emigruar në Zvicër, para se lojtari të lindte.

Ivan Rakitic

Babai i tij Luka dhe vëllai i tij më i madh Dejan, ishin gjithashtu lojtarë profesionistë. Rakitiç mësoi tregtinë ndërsa sa luante për gjigandin zvicerian FC Basel, para së të transferohej në klubin gjerman Schalke 04, në vitin 2007. Ish-lojtari i Sevilas, mund të luante për Zvicrën, pasi dhe kishte lindur atje, por mund të luante edhe për Kroacinë, për shkak të origjinës së tij. Ai e përfaqësoi Zvicrën, në kategoritë e reja U17, U19, U21, para së t’i përgjigjjej ftesës së Slaven Biliç për të  luajtur për Kroacinë.

 

5.Adnan Januzaj

Familja e Andan Januzaj u shpërngul në Bruksel të Belgjikës, shumë vite më parë, para se Adnani të lindte. Babai i tij vendosi të emigrojë për t’i ikur rekrutimit ushtarak në ish-Jugosllavis. Disa nga familjarët e babait të Adnanit ishin pjestarë të Ushtrisë Çlirimtare të Kosovës. Familja e tij ka hequr shumë vështirësi dhe zgjedhja më e mirë që të dilnin nga varfëria ishte që të emigronin. Teksa Januzaj luante për skuadrën angleze Manchester United, ai ishtë në qendër të vëmendjes dhe kishte shumë pyetje rreth asaj se për cilën kombëtare do të luante.

Adnan Januzaj

Ai mund të zgjedhte në mes të Belgjikës sepse kishte lindur aty, Shqipërisë sepse familjen e kishte nga Kosova dhe gjithashtu ai mund të zgjedhte edhe Turqinë, për shkak që familja nga ana e nënës ishin dëbuar drejt Turqisë. Menaxheri i Anglisë, Roy Hodgson, tha se edhe albionët e kishin shqyrtuar mundësinë që të thërrisnin për të luajtur në kombëtare, mirëpo  ai nuk plotësonte kriteret. Pas disa viteve me diskutime dhe negociata, ai vendosi që të luajë për Belgjikën.

Përgatiti: Drilon Sylejmani – /tesheshi.com/