Auto Dak
Auto Dak

Fshati më i pasur në botë që nuk do emigrantët: jemi gati të paguajmë që mos vijnë këtu

Obervil-Lieli konsiderohet si fshati më i pasur në botë.

34A27DE000000578-3610761-image-a-38_1464270604233

Në këtë fshat përrallor jo larg Zyrihut jetojnë vetëm 2.200 banorë, ku në mesin e të tyre ndodhen 300 milionerë.

Megjithatë, edhe pse janë të pasur, banorët e Obervil-Lielit nuk dëshirojnë që të presin emigrantë nga Siria dhe zona tjera të luftës, dhe janë të gatshëm të paguajnë për këtë.

Sipas sistemit të kuotës, Zvicra do të duhet të mirëpresë 50.000 emigrantë të cilët duhet të vendosen në 26 kantone.

Është planifikuar që 10 prej tyre të vendosen mu në këtë fshat, por banorët e atyshëm, në referendumin e mbajtur në fillim të këtij muaji, me rezultatin 82 përqind “pro” dhe 48 “kundër”, kanë votuar që emigrantët nuk janë të mirëseardhur në fshatin e tyre.

“Nuk i dëshirojmë këtu. Gjithë jetën kemi punuar me mund, kemi fshat të mrekullueshëm dhe nuk dëshirojmë që ta shohim duke u shkatërruar. Ne nuk dojmë të pranojmë refugjatë, ata nuk do mund të përshtaten këtu”, ka thënë një prej banorëve të fshatit për gazetën britanike Daily Mail.

349DD05E00000578-3610761-Controversial_The_sleepy_village_has_hit_the_headlines_after_res-a-30_1464270339836

Obervil-Lieli ndodhet larg Zyrihut 16 km. Edhe pse ndodhet afër qytetit kryesor, në fshat nuk ka pothuajse fare trafik.

I qetë dhe i rregulluar deri në detajet më të imta, çmimet për një shtëpi kalon vlerën e 1 milion funta, kurse shkalla e kriminalitetit është zero.

“Ardhja e emigrantëve do të mund të ndërrojë gjithë këtë”, thonë ata që janë kundër, ndërsa në anën tjetër vijnë kritika se ky qëndrim i tyre është racist.

Në krye të Obervil-Lieli ndodhet krybashkiaku Andreas Glarner, i cili mbështet plotësisht vendimin e banorëve, dhe refuzon në mënyrë kategorike kritikat për racizëm.

Refuzimi i këtij propozimi është një formë proteste ndaj qeverisë për t’ia imponuar fshatit një veprim të këtillë.

“Emigrantëve ju duhet ndihma, pajtohem, por më së miri është të ndihmohen në kampet të cilat ndodhen afër shtëpive të tyre. Mund të dërgojmë të holla në formë ndihme, por nëse na vijnë këtu, do të përçojmë mesazh të gabuar. Edhe tjerë do të vijnë pas tyre, duke rrezikuar jetrat e tyre duke kaluar në mënyrë ilegale përtej detit dhe duke paguar trafikantë për kontrabandim njerëzor. Ata nuk flasin gjuhën tonë. Fëmijët e emigrantëve të cilët po ashtu nuk flasin gjuhën tonë, duhet të vijojnë mësimin në shkollat tona, që i bie se na duhet të kushtojmë vëmendje të posaçme tek ta’’, thotë Andreas Glarner, anëtar i partisë së djathtë zvicerane SVP.

Arsye tjetër pse emigrantët duhet të kërkojnë tjetër vend për të jetuar, kryebashkiaku numëron mungesën e vendeve të punës.

Shumica e banorëve të fshatit janë pensionistë, nuk ka fabrika. Aty këtu ndonjë fermë dhe kompani e vogël.

Shumica e qytetarëve të cilët janë kundër ardhjes së emigrantëve, me pretekst të sigurisë sidomos të grave, duke kujtuar incidentet e ngjashme me ato të emigrantëve në Këln të Gjermanisë gjatë natës së vitit të ri, ku thuhet se u  sulmuan dhjetra gra.

349DCCC800000578-3610761-image-a-34_1464270581041

Pas vendimit për referendum, Obervil-Lieli duhet të paguajnë dënim për shkak të refuzimit për të pranuar emigrantë, në vlerë prej 206.000 funta zvicerane për një vit. Dënimi do të paguhet nga buxheti lokal, i cili kap vlerën 5 milion funta zvicerane brenda viti, të grumbulluar kryesisht nga tatimet.

“Nuk kemi asgjë kundër dënimit, madje jemi të gatshëm të ndajmë edhe më tepër”, thotë kryebashkiaku, që shton më tej se “qytetarët do të paguajnë dënimin çdo vit nëse është e nevojshme, vetëm, vetëm e vetëm që emigrantët të mos vijnë në fshatin e tyre”. /tesheshi.com/

 

auto pjese dak

Related posts