Auto Dak
Auto Dak
Auto Dak

Ertan Shakiri: ja pse ky shkupjan i këndon shpresës që nuk duhet humbur

I pajtuar me caktimin e Zotit, djaloshi shkupjan i mbetur invalid që në fëmijërinë e hershme, Ertan Shakiri,  vazhdoi me plot vullnet dhe sukses që të realizojë ëndrrën e tij, për t`u bërë më i miri ndër intepretuesit ilahistë. Ai asnjëherë nuk është ndjerë i dëshpëruar me gjendjen e vet, meqë sipas tij, Zoti i sprovon njerëzit që më së shumti i do. Së fundi, jetës së tij iu shtua dhe një përjetim tjetër i bukur, takimi me liderin turk, Rexhep Taip Erdogan, prej së cilit ka dhuratë një karrocë digitale, por dhe një vend pune…

Intervistoi: Mensur Krasniqi

Maqedonia si shtet numëron mjaft ilahistë të njohur, në mesin e tyre ndodheni edhe ju. Na thuani diçka më shumë për veten?

Unë jam Ertan Shakiri 22-vjeçar, i lindur në Shkup. Kam prindërit e mi, një vëlla dhe një motër.  Mua që në lindje më ka sprovuar Zoti, meqë 4 ditë pas adrhjes në jetë, nga temperatura e lartë më janë shkaktuar disa dëmtime dhe ja ku jam sot i paralizuar në karrocë.  Mirëpo kjo është kader(caktim) i Zotit, me të cilin unë asnjëherë nuk kam qenë i dëshpëruar.  Këtë e them me kënaqësi të shpirtit sepse e di që Zoti kë e don e sprovon më së shumti; dhe ne nuk duhet të mërzitemi aspak, sepse gjithmonë ka raste shumë tragjike se ajo që ty mendon se ta ka ndodhur.

Nga lindi dëshira dhe pasioni juaj për të kënduar ilahi?ertani

Nga pamundësia që të ushtroj ndonjë profesion të caktuar si pasojë e gjendjes sime, unë e gjeta veten në interpretimin e ilahive.  E gjithë kjo erdhi sepse dashamirët dhe miqtë e mi të ngushtë më kanë sugjeruar të vazhdoj me këndimin e tyre, ngaqë disponoj dhe një zë të ëmbël dhe të butë. Kjo ëshët vënë re që kur kam nisur të thërras ezanin, që  po ashtu e kam pasion që nga fëmijëria.

Kush përkujdeset për krijimin e ilahive tuaja?

Me këtë rast uroj vëllanë tonë, Hazbi Thera Ahmetin, i cili asnjëherë nuk ka nguruar që të më stimulojë së vazhduari këndimin e ilahive. Ky vëlla përkujdeset në mënyrë profesionale duke m’i shkruar tekstet dhe siguruar regjinë. Dhashtë Zoti që këtë njeri ta mbrojë nga çdo e keqe, sepse ky njeri është shkaku që unë jam i njohur sot në gjithë Maqedoninë si intepretues ilahish.

Sa të tilla keni realizuar deri më tani?

Meqë ka gati 2 vite që kur kam filluar së kënduari ilahi, unë kam realizuar deri tash 3 të tilla. Sepse është e vështirë që ditët e sotme të krijosh diçka pa pasur financat e duhura. Por ja që kam në krah vëlla Hazbiu i cili  jep maksimumin e tij për të finalizuar ilahitë e mija derisa ato mbërrijnë tek publiku.

Kë do veçonit ndër ato?

“Mos e humbni shpresën”, sepse bëhet fjalë për jetën time private, dhe jep një mesazh mjaft të fortë për gjithë njerëzimin, e në veçanti kategorinë e personave të hendikepuar si puna ime pra. Jeta është e tillë, dhe duhet ta pranuar si të tillë.ertani me taipin

Së fundi, fati ju rezervoi dhe një përjetim pozitiv, takimin me presidentin Erdogan….

Po. Dhe shfrytëzoj rastin që të falënderoj atë burrë, atë njeri të madh, i cili në hapjen solemne të xhamisë “Mustafa Pashës” në Shkup, më dëgjoi duke thirur ezanin, u interesua për gjendjen time, dhe angazhoi disa njerëz që të me punësojnë në hotelin “Stone Bridge”, por që gjithashtu ma siguroi një karrosë digitale që sot e 4 vite e kam në përdorim. Edhe kjo ndoshta e meriton një ilahi, një ilahi ku të falenderohet Zoti, por dhe njerëzit që bëjnë bamirësi, aq më tepër nën emrin e Tij, pasi kush nuk falenderon njerëzit, nuk falenderon as Zotin, thuhet në një transmetim profetik. /tesheshi.com/   

 

 

 

 

auto pjese dak

Related posts