E mërkura Speciale: a do të izolohet Kosova nëse nuk dëgjohet zëri i ndërkombëtarëve?

Nga Blendi Gashi

Qytetarët e Kosovës, por jo vetëm, vazhdojnë të mbahen në ankth, në mes të kërkesës për zhbërjen e Gjykatës Speciale dhe thirrjeve të vazhdueshme ndërkombëtare për të mos e bërë një gjë të tillë.

Kjo gjë do përfundoi të mërkurën ku Kryesia e Kuvendit në mesin e gjashtë pikave të rendit të ditës që do të trajtojë do të vendos edhe për apo jo procedimin e projektligjit për shfuqizimin e Ligjit për Dhomat e Specializuara dhe Zyrën e Prokurorit të Special.

Përfundimisht këtë ditë do të mësohet nëse parnterët e koalicionit qeverisës PDK-AAK-NISMA do të dëgjojnë apo jo ndërkomëtarët apo presidentin Thaçi i cili nga deklarimet e deritanishme ka lënë të kuptohet se është “pro” shfuqizimit të Speciales, për çka opozita ka drejtuar gishtin në drejtim të tij se ka qenë iniciatori që të mblidhen nënshkrimet e deptuetëve.

Ndërsa saktë nuk dihet as si do të veproi partia e parë opozitare, Lëvizja Vetëvendosje nëse do japë votën “pro” shfquzimit apo jo, kurse LDK qysh moti ka treguar se është në vijë me ndërkombëtarët.

Nesër përfundimisht do merr përgjigje, pyetja e parashtruar jo vetëm nga opozita e shoqëria civile, por edhe qytetarët se a do izoohet Kosova nëse nuk dëgjohen ndërkombëtarët (mos dhënia e vizës nga Amerika për kryeministrin Haradinaj është parë si hapi i parë i izolimit).

“Kosova mund të bëhet një problem i ‘ndërkombëtarizuar”

Njohësit e rrethanave politike edhe pse besojnë se institucionet nuk do dalin kundër ndërkombëtarëve, paralajmërojnë pasoja të mëdha veç nëse kjo ndodhë.

Politologu Mentor Tahiri mendon se çfarëdo vendimi i Kuvendit të Kosovës drejt shfuqizimit të Gjykatës Speciale është i vonuar dhe në thelb jo efektiv, por thotë se veç nëse ndodh e kundërta Kosova do të bëhet sërish një problem “i ndërkombëtarizuar”.

Nuk duhet harruar, se që tani janë alokuar mjetet buxhetore, si dhe janë krijuar mekanizmat e drejtësisë ndërkombëtare lidhur me këtë, e të cilat si të tilla nuk do të kthehen mbrapsht për shkak të një vendimi të Kuvendit të Kosovës. Shfuqizimi i Gjykatë Speciale me anë të miratimit të ligjit përkatës në Kuvend, në rast se ndodhë, mund të ketë vetëm efekte të përkohshme.  Mesazhet e dhëna nga aleatët kryesorë ndërkombëtarë të Kosovës, janë më shumë se të qarta. Garnitura politike në Kosovë, e ka luhatur besimin tek aleatët, por ende ka kohë për të reflektuar në drejtim pozitiv. Kurse, në rast se vërtetë shkohet deri në fund me iniciativën për shfuqizim, atëherë Kosova do të bëhet sërish një problem ‘i ndërkombëtarizuar’, kurse përpjekjet amerikane për të rrumbullakuar shtetësinë e Kosovës në kuadër të sistemit politik ndërkombëtarë, mund të dalin në planë krejtësisht dytësor, deri në krijimin e një kualiteti të ri institucional në Kosovë”, thotë Tahiri për tesheshi.com.

“Kthehemi nën protektoratin ndërkombëtar”

Analisti politik Arsim Haziri beson se Kuvendi nuk mund ta rrëzojë Specialen pasi ajo tashmë është edhe kategori kushtetuese, por e sheh tejet të rrezikshme zhbërjen eventuale të ligjit.

Sipas tij, Kuvendi nuk duhet të futet në ujëra të turbullta, për çka paralajmëron edhe izolim ndërkombëtarë dhe kthim në kohën e para pavarësisë.

Deputetët e subjekteve politike duhet përfundimisht të jenë në dijeni se nëse miratojnë shfuqizimin e Speciales e orientojnë Kosovën drejt izolimit ndërkombëtar, që nënkupton kthimin e protektoratit ndërkombëtar siç ka qenë gjatë 99 e tutje deri me 2008, çka nënkupton njëherit edhe suspendimin e sovranitetit shtetëror, pengimin, përkatësisht zbehjen e raporteve me Amerikën, shtetin më sponzorizues në konsolidimin e shtetësisë sonë si dhe përfundim, një veprim i tillë në mënyrë indirekte do të ndikonte në shtimin dhe sofistikimin e mjeteve negative serbe mbi Kosovën. Zhhbërja e këtij ligji për Kosovën do të kishte pasoja të pariparueshme si gjendjen e brendshme, ashtu edhe në planin e jashtëm”, thotë Haziri për tesheshi.com.

Related posts