Auto Dak
Auto Dak
Auto Dak

E DEBATUESHMJA/ Origjina e COVID-it, dokumentari i 2017-ës: ç’bënin shkencëtarët kinezë me lakuriqët e natës

Çfarë mund të zbulojë një ekip i ekspertëve të OBSH-së në lidhje me origjinën e koronavirusit nëse Kina vazhdon ta bllokojë atë? Një dokumentar i pak viteve më parë tregon se shkencëtarët kinezë eksperimentojnë me pakujdesi me lakuriqët e natës.

Por një gjë është e sigurt për udhëheqjen kineze: koronavirusi, i cili është përgjegjës për pandeminë globale, nuk e ka origjinën në Kinë. Besohet se ai arriti në Kinë nga jashtë, me sa duket gjatë një ceremonie ushtarake në tetor 2019 në Wuhan. Dhe kjo është arsyeja pse, sipas interpretimit të Pekinit, infeksioni i parë masiv shpërtheu atje.

Kjo nuk mund të përjashtohet plotësisht. Në fund të fundit, në Itali, rasti i parë i infeksionit me koronavirus ishte regjistruar ndoshta në nëntor 2019, për të cilin u botua një studim kohët e fundit. Por në të njëjtën kohë, kishte raportime të rasteve në Kinë, të cilat udhëheqja e shtetit i mbajti të fshehta.

Ekipi i ekspertëve nga Organizata Botërore e Shëndetësisë (OBSH), i cili, pas disa muajsh vonesë, u lejua të vinte në Kinë për të hetuar origjinën e koronavirusit të ri, gjithashtu do të dëshironte të shihte raportet e këtij shpërthimi të hershëm. Ata, pa dyshim, tani kanë filluar të punojnë, por vetëm virtualisht, pasi së pari duhet të kalojnë dy javë në karantinë në një hotel në Wuhan, shkruan Deutche Welle (DW).

Asnjë vizitë në Institutin e Virologjisë

Në fakt, ekspertët ndërkombëtarë gjithashtu dëshironin të vizitonin Institutin prestigjioz të Virologjisë në Wuhan, i cili u bë i famshëm për kërkimet e tij mbi virusin në lakuriqët e natës. Dhe që është cituar prej kohësh si një burim i mundshëm i përhapjes së infeksionit.

Sidoqoftë, autoritetet kineze i hodhën poshtë këto pretendime si “spekulime të pastra” dhe theksuan se një shkallë e lartë e sigurie ishte në laborator, kështu që lidhja e saj me shpërthimin ishte e pamundur. Prandaj, nuk është planifikuar asnjë vizitë e ekspertëve ndërkombëtarë në Institutin e Virologjisë.

Por një dokumentar, i cili u shfaq tashmë në televizionin shtetëror CCTV në 2017, tregon se si rastësisht bashkëpunëtorët individualë të Institutit sillen në punën me koronavirusët. Përpara mbërritjes së ekipit të OBSH-së, Taiwan News edhe një herë raportoi për dokumentarin, pasi censura e shtetit në Kinë fshiu të gjitha kritikat në Internet ndaj Institutit të Virologjisë.

Filmi tregon një grup shkencëtarësh të mbledhur rreth Shi Zhengli, në kërkim të origjinës së SARS. Edhe pse duhet të ketë qenë e qartë për ta që lakuriqët e natës që ata ekzaminuan mund të mbanin viruse vdekjeprurëse, disa shkencëtarë gjatë hulumtimit në shpellën në Yunnan nuk kishin veshur pajisje mbrojtëse. Lakuriqët e kapur u ekzaminuan me duar të zhveshura dhe pa mbrojtje, monstrat e lakuriqëve u morën me duar, si një burim i mundshëm i infeksionit, shkruan DW.

Virologu Cui Jiu madje tha që një lakuriq e pickoi përmes dorezave të holla prej gome.

“Ndihej si një gjilpërë”, tha ai.

Në film, ai tregon një vend të fryrë të kafshimit, ndërsa një zë sfond tregon për faktin se lakuriqët e natës mund të transmetojnë një numër virusesh, përfshirë tërbimin, kështu që anëtarët e ekipit hulumtues vaksinohen kundër tërbimit përpara se të marrin mostra. /tesheshi.com/

auto pjese dak

Related posts