728 x 90 Leaderboard

Dëbora mbulon Alpet, shkon deri në 7 metra në rrugë

Rruga e mbuluar me borë në lartësi prej shtatë metra, të shkaktuar nga orteku i madh në Alpet franceze është pastruar më në fund dhe në këtë mënyrë është siguruar qasja në fshatrat e prera nga pjesa tjetër e botës.

Orteku i borës ka përmbytur rrugën midis Bessansa dhe Bonneval-sur-Arca të martën në mbrëmje, pasi rajoni u godit nga dëbora e paparë.

Fotografi dramatike nga eksperti i ortekëve Alain Duclos tregojnë momente pasi punëtorët depërtuan përmes ortekëve dhe pastruan rrugën e mbuluar.

“Kanë kaluar 20 vjet që kur kemi parë ortek të këtyre përmasave në këtë zonë”, tha Duclos, por vuri në dukje se ata e kishin pritur atë për shkak të sasisë së madhe të dëborës që kishte rënë gjatë ditëve të fundit.

Në zonën e Savoia, brenda 36 orësh ka rënë 1.8 metra borë dhe meteorologët e përshkruan reshjet e borës si një fenomen që shihet një herë në 30 vjet, shkruan BBC.

Kjo shkaktoi ndërprerje të energjisë elektrike dhe trafikut, ndërpreu skijimin dhe ngriti rrezikun e ortekëve në nivelin më të lartë të parë në 10 vitet e fundit.

Skitari John Bromell 39 vjeçar u zhduk në vendpushimin e skive në Tignes, pasi ai u lëshua ‘vetëm edhe një herë’, ndërsa merrte mot i lig atje.

Për shkak të rreziqeve të ortekëve dhe borës, kërkimi për të është pothuajse i pamundur./tesheshi.com/

Related posts