Athina pajtohet me Shkupin duke lobuar për ndërtimin e gazësjellësit rus në Ballkan

Greqia, e gjendur ngushtë për para, si pasojë e borxheve dhe krizës ekonomike, siç duket është kthyer në një lobuese e interesave të Moskës në Ballkan.

18923535458_599b28ea33_zMinistri i Jashtëm grek, Nikos Kotzias, i cili vizitoi Maqedoninë, ka bërë përpjekje që vendi të cilin Athina nuk lejon të pranohet në OKB, NATO e BE; të ofrohet në projektin e gazësjellësit rus “Rrjedha Turke” i cili do të financohet nga kompania shtetërore ruse Gazprom.

Ndërkaq edhe vetë qeveria e Gruevskit është akuzuar për një afrim të madh me qarqet ruse dhe interest e Moskës në Ballkan.

Gjatë një takimi me ministrin e Jashtëm të Maqedonisë, Nikolla Popovski, shefi i diplomacisë së Athinës, Nikos Kotzias, foli hapur për një marrëveshje për gazësjellësin rus.

“Ajo që ka rëndësi të madhe është siguria dhe stabiliteti në Ballkan për të cilin kemi nevojë të gjithë ne, ndaj bashkëpunimi ekonomik është shumë i rëndësishëm. Krijimi, për shembull, i linjave të gasësjellësave, ndërtimi i hekurudhave, për shkak se ka një plan të madh siç është linja  Pire-Budapest, janë mënyra për të krijuar rrjete që na çojnë drejt stabilitetit.

Unë dhe kolegu im ramë dakord se ne kemi nevojë për rrjete të tilla, nuk mjafton vetëm një i tillë (TAP), na duhet edhe një tjetër apo më shumë, si për shembull “Rjedha Turke”. Kemi nevojë për rrjete të plota”, deklaroi ministri i Jashtëm grek, Nikos Kotzias.

Ditën e sotme ai do të vizitojë Beogradin ku do të pritet nga homologu i tij Daçiç dhe Kryeministri Vuçiç. Në Serbi, Kotzias do të lobojë sërish për gasësjellësin rus dhe hekurudhën që lidh Europën Qendrore me Pireun.

3591935528gazpromKompania ruse e energjisë, Gazprom, ka bërë të ditur se ka miratuar kërkesën e Turqisë për të të hartuar planin e fizibiliteti në kuadër të projektin për ndërtimin e gazsjellësit “Rrjedha Turke”.

Sipas deklaratës zyrtare të Gazpromit pjesa e gazsjellësit “Rrjedha Turke”, që do të kalojë nën det (Detin e Zi), përbëhet nga 4 tubacione.

Secila prej këtyre tubacioneve do të transmetojë 15,75 miliardë metra kub gaz natyror.

Pjesa me gjatësi 600 km e gazsjellësit do të ndjekë itinerarin e tubacionit “Rrjedha e Jugut”, një projekt i anuluar më herët.

Më pas pjesa me gjatësi 250 km do të përparojë drejt territorit të Turqisë që shtrihet në Kontinentit Evropian.

Sipas marrëveshjes së arritur ndërmjet dy vendeve i gjithë gazi natyror që do të kalojë nga tubacioni i parë do të furnizojë tregun e Turqisë.

Presidenti i Rusisë, Vladimir Putin, projektin për ndërtimin e gazsjellësit “Rryma Turke” e kishte deklaruar gjatë vizitës që kishte bërë në Turqi më 1 dhjetor 2014.

9189157966trkakmturkstreamParashikohet që me anë të projektit “Rrjedha Turke” të transportohet deri në Evropë duke kaluar nga territori i Turqisë 63 miliardë metra kub gaz natyror rus në vit.

Nga kjo shumë 47 miliardë metra kub gaz do të transmetohen për në Evropë, kurse pjesa e mbetur 16 miliardë metra kub do të konsumohet në tregun e brendshëm të Turqisë.

Licenca në fjalë parashikon që Turqia të bëjë punime fizibiliteti dhe inxhinierike në zonën e saj ekskluzive ekonomike dhe ujërat territoriale për njërin prej tubacioneve, pjesë përbërëse e projektit gjigand.

/tesheshi.com/

Related posts