Auto Dak
Auto Dak
Auto Dak

Anketa e tesheshi.com në Prishtinë: ja ç’mendojnë qytetarët për rritjen e çmimeve dhe paketën e re fiskale

Nga Bashkim Kastrati

Aplikimi i pakos së re fiskale përveç që u ka kushtuar bizneseve, pasi që ato duhet t’i bëjnë ndryshimet teknike, të cilat kanë kosto prej 29 eurove, po dëmton edhe qytetarët. Edhe pse mendohej që ndryshimet në fjalë do të jenë në dobi të qytetarëve, realiteti po tregon diçka tjetër.

Pra ajo që po shihet me të vërtetë është se as qytetarët e as bizneset nuk janë të kënaqur me ndryshimet fiskale që i ka bërë Qeveria e Kosovës.

Tesheshi.com ka bërë një anketim me qytetarë të Prishtinës, të cilët u ankuan për rritje e gjerenorme të çmimeve. Ata thonë se kanë pritur që kostoja e shportës familjare të bie, në fakt ajo vetëm se është rritur, ndërsa ankohen se këtë po bën qëllimisht qeveria për të mbushur buxhetin nga rritja e çmimeve.

Blerta Morina, qytetare nga Prishtina ishte befasuar nga rritja e çmimeve për barna. Ajo thotë se një medikament e blen rregullisht që një vit, ndërsa prej dje çmimi i tij është shumë më i shtrenjtë. Ajo thotë se edhe barnat janë produkte elementare, sepse vetëm nga halli merren.

“Ka rreth trembëdhjetë muaj që e marr një ilaç rregullisht. Kostoja e tij ka qenë deri dje 6 euro e 50 centë, ndërsa sot e bleva 10 euro e 4 centë. Në barnatore më than që kjo është për shkak të rritjes së TVSh-së. Kjo nuk është normale, që të ketë rritje aq të madhe, kur dihet se në çfarë kushtesh ekonomike ndodhen qytetarët e Kosovës”, tha ajo.

Ndërsa Blerim Gashi, një qytetar tjetër nga Prishtina, shprehu shqetësimin e tij, në lidhje me përcaktimin e produkteve që konsiderohen. Ai thotë se ajo listë është shumë e ngushtë dhe se për plotë artikuj tjerë që janë elementar janë rritur çmimet.

“Sot bleva gjera higjienike, dhe më kushtuan më shumë se zakonisht. Pe marr shembull një sapun diku më kushtonte 18 për qind më shtrenjtë. Tani si ta llogaritim sapunin higjienik, a është produkt elementar apo produkt i luksit. Nëse edhe sapuni dhe gjerat tjera nuk qenkan elementare atëherë çka është elementare. Mund të them se prej krejt produkteve që bleva, nga ndryshimet fiskale i kurseva vetëm 5 centë, kurse për produkte tjera pagova më shumë. Këtu po shihet qartë se kjo qeveri me këto ndryshime, po na e rritë edhe më shumë koston e jetës, u shpreh ky qytetar.

“Dëgjova në lajme, se do të ketë zbritje të çmimeve, por sot bleva disa gjera në dyqanin ku blej, gjithmonë, dhe pagova dy euro më shumë se herët tjera për të njëjtat produkte. Edhe këto që bleva janë produkte elementare, unë më sa e di alkooli, cigaret e disa tjera janë produkte të luksit”, tha Kushtrim Fejzullahu.

Nga ndryshimi i TVSH-së pritet që të mbushet arka e shtetit për disa milionë. Vlerësimet fillestare nga ndryshimi i ligjit të TVSH-së për këtë periudhe, sipas Ministrisë së Financave tregojnë për një inkasim prej rreth 15 milionë eurosh. Por këto janë vetëm vlerësime dhe vlera mund të ndryshojë varësisht nga tendenca e importit të produkteve të cilat preken me këtë ligj.

Mustafa: Pakoja e re fiskale sjell përfitime për ata me të ardhura të vogla dhe mesatare

Aplikimi i pakos së re fiskale do të sjellë përfitime për qytetarët me të ardhura të vogla dhe mesatare.

Kështu ka thënë kryeministri i Kosovës, Isa Mustafa në mbledhjen e sotme të Qeverisë së Kosovës.

“Nga pakoja fiskale, konkretisht nga ulja e pragut të TVSH-së nga 16 në 8 për qind, përfitojnë të gjithë qytetarët, ose shportat familjare të qytetarëve të cilët kanë të ardhura të ulëta dhe të ardhura të mesme. Nuk përfitojnë ata që kanë të ardhura të larta, sepse struktura e mallrave të cilat konsumohen është e tillë që është e destinuar të përfitojnë ata që kanë të ardhura më të ulëta dhe të mesme, në mënyrë që të mbrohet standardi i jetesës së familjeve dhe të qytetarëve”,

Ai tha se është bërë ulja e pragut të TVSH-së dhe do të zgjerohet baza e firmave të cilat do të hyjnë në TVSH, përfshirë të gjitha ato që kanë qarkullim më të madh se sa 30 mijë euro. Sipas tij, Ministria e Financave dhe ministritë tjera tani do të punojnë edhe tek ligjet tjera, të cilat do të adaptojnë përfshirjen e TVSH-së dhe tatimeve, sidomos tek barnat, dhe tek heqja e tatimeve për barna edhe për vende të tjera, jo vetëm ato që janë në suaza të CEFTA-s.

Ja vetëm për cilat produkte ka ulje të TVSh-së:

  1. Buka
  2. Vaji
  3. Kripa
    4. Qumështi.
  4. Sheqeri
  5. Furnizimi me ujë
  6. Furnizimi me rrymë
  7. Ngrohja
  8. Mbeturinat

/tesheshi.com/

auto pjese dak

Related posts