728 x 90 Leaderboard

20 fotografitë e javës nga “The Guardian”: tajfun, modë dhe Theresa May e vetmuar në Salzburg

Super tajfuni Mangkhut, java e modës në Londër, uragani Florence në Shtetet e Bashkuara dhe Theresa May e izoluar në Salzburg – këto janë disa nga shkrepjet që vijnë në përmbledhjen e 20 fotografive më të mira të javës së të përditshmes “The Guardian”, nga foto-reporterët më të mirë në botë.

Spring Lake, Karolina e Veriut. Muri i dhomës së një moteli tregon nivelin e lartë të përmbytjes që erdhi nga lumi Little pas uraganit Florence.
Nju Jork. Me Qendrën Tregtare Një në sfond, pikat e shiut në një dritare të Nju Jorkut.
Nju Jork. Me Qendrën Tregtare Një në sfond, pikat e shiut në një dritare të Nju Jorkut.
Pyongyang, Koreja e Veriut. Koreano-veriorët performojnë gjatë samitit ndër-korean në stadiumin e 1 Majit në Pyongyang. Presidenti koreano-jugor, Moon Jae-in njoftoi në një konferencë të përbashkët me Kim Jong-un se Koreja e Veriut do të mbyllë krejtësisht vendndodhjet kryesore të testimit të raketave në prani të “ekspertëve ndërkombëtarë” dhe se dëshiron të mbyllë edhe kompleksin e saj të vetëm të njohur bërthamor, nëse Shtetet e Bashkuara ndërmarrin masa të njëjta.
Pyongyang, Koreja e Veriut. Presidenti koreano-jugor, Moon Jae në bisedime me homologun e Veriut, ndërsa Zonja e Parë koreano-veriore, Ri Sol-ju dhe ajo e Jugut, Kim Jung-sook konsumojnë drekën në një restorant. Dy liderët ranë dakord gjatë samitit treditor për të lidhur dy linja hekurudhore, në lindje dhe perëndim të gadishullit përmes një prej vijave kufitare më të militarizuara në botë. Kim po ashtu tha se do të vizitonte Seulin në “të ardhmen e afërt”, një lëvizje që do ta bëjë atë liderin e parë të Koresë së veriut që viziton kryeqytetin e Jugut.
Catania, Sicili. Tymo del nga vullkani Etna në Catania, fotografuar nga qyteti bregdetar verilindor, Taormina.
Shek O, Hong Kong. Një burrë shkrep foton e një peme të shkulur nga rrënjët pas super tajfunit Mangkhut në fshatin bregdetar Shek O. Mangkhut. Tajfuni e vazhdoi rrugën e vet të shkatërrimit ndërsa goditi bregun jugor të Kinës pasi la të paktën 64 të vdekur në Filipine.
Macau. Punonjës të shpëtimit ecin përmes ujërave të përmbytjeve gjatë një operacioni shpëtimi gjatë super tajfunit, Mangkhut.
Hong Kong. Dritare të dëmtuara të një ndërtese tregtare janë fotografuar pas super-tajfunit Mangkhut në Hong Kong.
Gaenserndorf, Austri. Një shimpanze vështron në drejtim të kameras në strehën Gut Aiderbichl për shimpazetë e traumatizuara dhe primatë të tjerë. 34 shimpaze laboratorësh nga ish-kompania farmaceutike austriake “Immuno AG” i kanë kaluar jetët në këtë strehë që prej vitit 2009.
Salzburg, Austri. Kryeministrja britanike, Theresa May arrin për foton familjare gjatë samitit informal të liderëve të Bashkimit Europian në Salzburg.
Lima, Peru. Ekran televizori në restorantin Napoleon transmeton kryeministrin e Perusë, César Villanueva duke folur në dhomën e parlamentit ku ligjvënësit po debatojnë thirrjen e presidentit për një referendum mbi masat anti-korrupsion. Nëse Kongresi refuzon të mbështesë planin e tij, presidenti Vizcarra ka të drejtën të shkrijë parlamentin, një gjë që nuk ka ndodhur që nga qeveria autoritariste e Alberto Fujimori në vitin 1992.
Mexico City. Anëtarë të ushtrisë meksikane formojnë një mozaik me flamur kombëtarë gjatë paradës që shënon përvjetorin e pavarësisë së vendit, në sheshin Zócalo.
Binnish, Siri. Sirianët vallëzojnë dhe valëvisin flamuj të opozitës përpara një ndërtese të dëmtuar gjatë një proteste kundër qeverisë siriane në Binnish në provincën veriore të kontrolluar nga kryengritësit, Idlib. Rreziku imediat i një katastrofe humanitare në enklavën e fundit të madhe të kryengritësve në Siri duket se është shmangur nga një plan i përbashkët ruso-turk për të ngritur një zonë të demilitarizuar midis ushtrisë siriane dhe kryengritësve. Plani u dakordësua nga Vladimir Putin dhe homologu turk, Recep Tayyip Erdoğan, në samitin dypalësh në resortin e detit të Zi, Sochi.
Herzeliya, Izrael. Hebrenjtë ultra-ortodoksë performojnë një lutje të quajtur Tashlich në prag të pushimeve të Yom Kippur.
Inch, Irlandë. Njerëzit marrin pjesë në një festival në kushtet e erës së fortë në gadishullin Dingle.

 

Bulacan, Filipine. Fëmijët përdorin tasa për të kaluar një rrugë të përmbytur si pasojë e tajfunit Mangkhut.
Burgaw, Karolina e Veriut. Një mace e varur në anën e një trajleri midis ujërave të përmbytjes, përpara se të shpëtohet. Lumi Cape Fear doli nga shtrati si rezultat i uraganit Florence.
Tasiilaq, Greenland. Një akullnajë pluskon në një fjord në afërsi të qytetit Tasiilaq, Greenland.                                                                                                              Përgatiti: Juli Prifti – /tesheshi.com/

Related posts