728 x 90 Leaderboard

20 fotografitë e javës nga “The Guardian”: jeta në Pyongyang, protestat në Gaza dhe zjarri në Rio

Jeta e përditshme në Pyongyang, protestat në Gaza, zjarri në muzeun Kombëtar në Rio dhe shfaqja e Colin Kaepernick në Nju Jork – këto janë disa prej ngjarjeve të përfshira në përmbledhjen e 20 fotografive më të mira të javës nga britanikja prestigjioze “The Guardian”. Shkrepjet vijnë në këtë përmbledhje nga foto-reporterët më të mirë të botës.

Pyongyang, Koreja e Veriut. Një pasagjer lexon gazetën në platformën e një stacioni metroje në Pyongyang. Koreja e Veriut shënon 70-vjetorin e themelimit të saj më 9 shtator.
Pyongyang, Koreja e Veriut. Koreano-veriorët shohin nga autobusi në rrugët e Pyongyang.
Nju Jork, SHBA. Njerëzit ecin pranë një reklame që tregon Colin Kaepernick në Nju Jork. “Nike” njoftoi këtë javë marrëveshjen me ish-lojtarin e San Franciskos, i cili është i njohur për nisjen e protestave mes lojtarëve në lidhje me brutalitetin e policisë dhe pabarazinë rracore.
Uashington DC. Protestuesit ndërpresin nisjen e seancës dëgjimore të të nominuarit për Gjykatën e Lartë, gjykatësit Brett Kavanaugh në Capitol Hill. Demokratët dhe aktivistët zhvilluan një akt dramatik kundërshtie ndaj konfirmimit në Senat të të nominuarit të Donald Trump, pasi akuzuan Shtëpinë e Bardhë se ka mbajtur të fshehra dokumente të rëndësishme për të.
Uashington DC, US. Demonstruesit e veshur si shërbyese presin arritjen e të nominuarit për Gjykatën e Lartë përpara daljes në komitetin gjyqësor të Senatit. Më shumë se 30 gra u arrestuan për protestën kundër tij.
Gaza. Një i ri palestinez transportohet në një ambulancë, pasi u qëllua në një protestë në hyrje të pikë-kalimit Erez, midis Gazës dhe Izraelit.
Gaza. Protestues palestinezë vrapojnë për t’i ikur gazit lotsjellës të qëlluar nga ushtarët izraelitë gjatë protestës në hyrje të pikë-kalimit Erez midis Gazës dhe Izraelit.
Hokkaido, Japoni. Shtëpi të dëmtuara nga rrëshqitjet e tokës të shkaktuara nga tërmeti në qytetin Atsuma në ishullin verior të Japonisë, Hokkaido.
Nishinomiya, Japoni. Pamje nga ajri e makinave të djegura pasi një stuhi shkaktoi tajfunin Jebi. Të paktën 10 njerëz humbën jetën dhe qindra të tjerë u plagosën pasi tajfuni goditi zonën rreth Osakës, qytetit të dytë të Japonisë.
Delta, California, SHBA. Dritë nga një tren në afërsi të lumit Sacramento, ndërsa Delta Fire përfshin luginën.
Pucon, Kili. Vullkani Villarrica shihet gjatë natës nga qyteti Pucon.
Rio de Janeiro, Brazil. Zjarri masiv përfshin muzeun Kombëtar në Rio de Janeiro. Zjarri në muzeun 200-vjeçar nisi pas mbylljes për publikun dhe vazhdoi tërë natën. Nuk ka raportime për të lënduar, por humbja për shkencën, kulturën dhe historinë braziliane është e pallogaritshme.
Rio de Janeiro, Brazil. Zjarrfikësit hedhin ujë mbi fasadën e muzeut Kombëtar në Rio. Hetuesit do të nxjerrin në dritë shkaqet që sollën shkatërrimin e kësaj pasurie.
Nju Jork, SHBA. 24-vjeçarja Fatou Jobe, model me qendër në Nju Jork pozon për një portret në Manhattan. Nju Jorku është një nga kryeqytetet e modës dhe ndërsa nis java e modës, stilistë, blerës, e njerëz të famshëm presin se çfarë do të deklarohet “në modë”për sezonin e ardhshëm vjeshtë-dimër. Por, larg pasarelave, sidoqoftë, një histori e ndryshme për atë që është në modë vjen nga rrugët e Manhattan, Brooklyn, Queens dhe Bronx ku veshjet e vjetra, këpucët unike dhe të rehatshme preferohen shumë më tepër nga njerëzit e lagjeve të qytetit.
Nju Jork, SHBA. Aleksandra Krunic e Serbisë gjatë ditës së gjashtë të kampionatit US Open.
Yangon, Myanmar. Gazetarët e ndaluar të “Reuters” Wa Lone dhe Kyaw Soe Oo largohen nga gjykata. Vendimi me shtatë vjet burg për dy gazetarët e arrestuar në Mjanmar, ndërsa hetonin masakrën ndaj muslimanëve Rohingya, u denoncua në gjithë botën si sabotim i drejtësisë dhe goditje ndaj lirisë së shtypit.
Baza, Spanjë. Njerëz të mbuluar me graso të zezë marrin pjesë në festivalin tradicional Cascamorras. Çdo vit, një fshatar vishet si një personazh i çuditshëm i quajtur Cascamorras dhe udhëton tre kilometrat deri në fshatin Baza, shoqëruar nga një ekip përfaqësuesish, për të inskenuar marrjen e statujës së Virgjereshës Pieta.
Mumbai, Indi. Festimet shpërthyen në Indi pas vendimit unanim të gjykatës së Lartë për të dekriminalizuar seksin homoseksual në një proces vendimtar për të drejtat e komunitetit. Trupa prej 5 gjyqtarësh vendosi që ligji 160-vjeçar që ndalonte seksin “kundër rendit natyror” përbënte diskriminim mbi bazën e orientimit seksual dhe ishte jo-kushtetues.
Dalyan, Turqi. Një breshkë deti rikthehet në ujë pasi depozitoi vezët në plazhin Iztuzu.
Dublin, Irlandë. Drerët pushojnë përballë kryqit papnor në një ditë me diell në parkun Phoenix.                                                                                                          Përgatiti: Juli Prifti – /tesheshi.com/

 

Related posts