728 x 90 Leaderboard

20 fotografitë e javës nga “The Guardian”: emigrantët, përleshjet në Gaza dhe seanca ndaj Brett Kavanaugh

Seanca dëgjimore e Brett Kavanaugh në Shtetet e Bashkuara, protestat në Gaza dhe emigrantët në Greqi janë disa nga temat më të nxehta që vijnë në përmbledhjen e “The Guardian”me 20 fotografitë më të mira të javës. Si gjithmonë, përmbledhja sjell punën e fotoreporterëve më të mirë të botës.

Madrid, Spanjë. Dayana Stan, 6 vjeç ndjen ftohtë ndërsa pret të largohet nga qyteti me barraka, El Gallinero drejt një apartamenti të ri në Madrid. Familja Stan ishte një prej familjeve të fundit rome të lëna pas në qytet.
Madrid, Spanjë. Ramona Stan ngushëllohet nga një fqinje ndërsa largohet nga barrakat e qytetit El Gallinero për t’u sistemuar në Madrid. Kampi rom u çmontua këto ditë, dhe banorët e mbetur u risistemuan në apartamente të strehimit social dhe streha të përkohshme pas shumë vitesh jetese në kasolle të rrëgjuara në kushte të vështira.
Gaza. Protestuesit palestinezë pasi qëllohen me gaz lotsjellës nga trupat izraelite gjatë një proteste në kufirin e rripit të Gazës me Izraelin.
Gaza. Një grua palestineze hedh gurë në drejtim të forcave izraelite gjatë përleshjeve përgjatë gardhit kufitar në lindje të qytetit të Gazës.
Lesbos, Greqi. Një vajzë qëndron brenda tendës jashtë kampit të refugjatëve Moria. Ndërtuar për të strehuar 3100 persona, ish-barrakat e ushtrisë të nxjerra nga përdorimi presim më shumë se 8500 azil-kërkues. Autoritetet greke zhvendosën me qindra prej tyre në tokën kontinentale për të liruar hapësirë në qendër në pritje të dimrit.
Hapësirë. Super-tajfuni Trami parë nga stacioni hapësinor ndërsa lëviz drejt Japonisë. Trami pritet të prekë tokë në ishullin japonez Okinaëa, duke sjellë me gjasa 125-250mm reshje të dendura, sikundër edhe erë me forcën e një uragani dhe stuhi.
Eagleville, Pensilvani. Bill Cosby shoqërohet jashtë sallës pas dënimit për sulm seksual. Cosby mori 3 deri në 10 vjet burgpër drogimin dhe sulmin seksual ndaj një gruaje mbi një dekadë më parë, duke u bërë i pari i famshëm i epokës #MeToo që burgoset për krimin e tij. “Është koha për Drejtësi”, tha gjykatësi Steven O’Neill.
Washington, DC. Christine Blasey Ford betohet përpara se të dëshmojë përpara komitetit gjyqësor të Senatit në Kapitol Hill. “Jam këtu sot pasi desha të jem. Jam e tmerruar”, tha Ford, me zërin plot emocion, gjatë daljes para komitetit. “Jam këtu pasi besoj se është detyra ime civile të tregoj çfarë ndodhi me mua ndërsa Brett Kavanaugh dhe unë ishim në shkollën e mesme”.
Washington, DC. I dominuari për gjykatën e Lartë, Brett Kavanaugh Dëshmon para komitetit gjyqësor të Senatit në seancën e konfirmimit ndërsa gruaja e tij vështron drejt Kapitol Hill. Në një fjalim të furishëm prej 45 minutash, Kavanaugh mbrojti veten kundër pretendimeve të Ford dhe dy grave të tjera.
Paris, Francë. Një modele që paraqet një krijim në koleksion pranverë-verë 2019 në javën e modës në Paris.
Managua, Nikaragua. Një grua qëndron e tronditur pasi u godit nga policia gjatë një marshimi anti-qeveritar paqësor që u shpërnda dhunshëm nga forcat qeveritare.
Pétion-ville, Haiti. Lojtarë me gjymtyrë të amputuara përgatiten për një ndeshje për mbledhje fondesh në parkun Sainte-Thérèse. Ekipi kombëtar me aftësi të kufizuara u formua pas tërmetit shkatërrimtar të vitit 2010 dhe do të garojë në Kupën e Botës për personat me aftësi të kufizuara në nëntor.
Chuuk, Micronesia. Pasagjerët evakuohen nga avioni Air Niugini që u përplas në det ndërsa i afrohej aeroportit. Të gjithë pasagjerët u raportuan se shpëtuan pa lëndime të mëdha nga Boeing-u gjysmë i fundosur, pasi peshkatarët vendas morën anijet e tyre dhe mbërritën shpejt në vendngjarje.
Flakstad, Norvegji. Sportisti i sërfit, Olsen Frantzen garon në lojërat e sërfit në skajin më verior, brenda rrethit Arktik.
Athinë, Greqi. Hija e një rojeje presidenciale bie në një mur në monumentin e Ushtarit të Panjohur në Athinë.
Baku, Azerbajxhan. Vladimir Putin dhe presidenti i Azerbajxhanit, Aliyev marrin pjesë në forumin ndër-rjaonal në Baku.
Zhengzhou, Kinë. Mjetet janë bllokuar në trafik në fund të festivalit të mes-vjeshtës.
Malaga, Spanjë. Një grua emigrante mban foshnjen e saj në shpinë pas mbërritjes në portin e Malagas. Një anije që mbante 117 emigrantë, 34 prej të cilëve gra dhe fëmijë, u shpëtua nga roja bregdetare spanjolle pranë brigjeve të vendit.
Londër. Tristan Robertson-Eyes luan në linçimin e lodrave të Krishtlindjeve.
Romë, Itali. Vepra artistike “Drita është kohë”nga Tsuyoshi Tane ekspozohet në Chiostro del Bramante në Romë.                                                                           Përgatiti: Juli Prifti – /tesheshi.com/

Related posts